Heimildaskrá

Í heimildaskrá þurfa að koma fram nákvæmar upplýsingar um allar heimildir sem notaðar hafa verið í ritgerðinni. Varist að hafa í skránni heimildir sem ekki voru notaðar og því aldrei vísað til. 

Heimildum skal raða í stafrófsröð eftir fremsta lið (sem oftast er nafn höfundar).

Athugið að æskilegt er að stilla á hanging þegar heimildaskrá er sett upp, þannig að fyrsta lína í hverri skráningu sé framar en línurnar fyrir neðan. 

Heimildaskrá er höfð aftast í ritgerð á sérstakri blaðsíðu.

Titillinn (Heimildaskrá) er miðjusettur en skráin sjálf vinstri jöfnuð. 

 

Bók eftir einn höfund

Höfundur. (útgáfuár). Titill bókar (skáletraður). Útgefandi.

Arnar Guðmundsson. (2015). Risastóra bókin um allt. Furðulega útgáfan.

Bók eftir fleiri höfunda

Höfundar. (útgáfuár). Titill bókar. Útgefandi.

Friðrik Jónsson og Sigurður J. Grétarsson. (2007). Gagnfræðakver handa          háskólanemum. Háskólaútgáfan.

Bók eftir erlendan höfund

Eftirnafn höfundar, upphafsstafur fornafns. (útgáfuár). Titill bókar. Útgefandi.

Johnson, A. (2013). Stories from the sky. New Public Press.

Þýdd bók

Höfundur. (útgáfuár). Titill bókar. (Þýðandi). Útgefandi.

Thompson, A. (2015). Goðsagnir. (Jón Kjarval þýddi). Bókaforlagið.

Ritstýrð bók 

Nafn ritstjóra (ritstjóri). (útgáfuár). Titill bókar. Útgefandi.

Arnbjörg Skagfjörð (ritstjóri). (2022). Andinn í augnablikinu. Gróska.

Þýdd ritstýrð bók

Nafn ritstjóra (ritstjóri). (útgáfuár). Titill bókar. (Þýðandi). Útgefandi.

Anderson, P. (ritstjóri). (2016). Bókin um bækur. (Kristín Jónsdóttir þýddi). Norðurútgáfan.

Grein í tímariti

Höfundur. (útgáfuár). Titill greinar. Titill tímarits, árgangur(tölublað), blaðsíðutal.

Björn Haraldsson. (2010). Er ekki komið nóg? Framför, 12(3), 211-217.

Grein eða kafli í ritstýrðri bók

Höfundur. (útgáfuár). Titill greinar/kafla. Í Nafn ritstjóra (ritstjóri). Titill bókar (bls xx-xx). Útgefandi.

Guðrún Jónsdóttir. (1990). Sumar og haust. Í Páll Helgason (ritstjóri), Íslenskt veður (bls. 110-123). Útgáfan PH.

Netheimild, skýrsla eða grein undir höfundarnafni

Höfundur. (ártal, dagur, mánuður). Titill greinar eða undirsíðu. Vefsíða. Vefslóð

Helga Björnsdóttir. (2007, 12. júní). Hvað er manndómsvígsla? Vísindavefurinn. http://visindavefur.is/?id=6678

Netheimild, skýrsla eða grein án höfundar

Stofnun. (útgáfuár). Titill greinar/skýrslu. Vefslóð

Aðalmálaráðuneytið. (2018). Stjórnmál á villigötum. http://villigotur.raduneyti.is

Tímaritsgrein á netinu

Nafn höfundar. (útgáfuár). Titill greinar. Titill tímarits, árgangur(tölublað), blaðsíðutal. Vefslóð

Jón Jónsson. (2010). Frá liðinni tíð. Tímarit Máls og menningar, 34(4), 101-115. http://timarit.is

Netheimild, sótt af timarit.is 

Upplýsingar úr dagblaði sóttar á timarit.is. Vitnað til heimildar eins og um grein í dagblaði af netinu sé að ræða.

Upplýsingar úr tímariti sóttar á tímarit.is. Vitnað til heimildar eins og um grein í tímariti af netinu sé að ræða.

Netheimild án höfundarnafns

Titill efnis. (ártal). Heiti vefsíðu. Vefslóð

Skráning heimilda. (2021). Wikipedia. http://xx…

Netheimild án höfundarnafns og dagsetningar

Titill efnis. (e.d.). Heiti vefsíðu. Vefslóð

Fjör í fjölbraut. (e.d.). Skólatímaritið. http://www.xx…

Námsritgerð

Höfundur. (ártal). Titill ritgerðar. [nánari upplýsingar um ritgerð]. Skóli.

Guðmundur Kristjánsson. (2013). Grettir og ljóðin. [óútgefin meistaritgerð]. Háskóli Íslands.

Kvikmyndir og annað myndefni

Nafn framleiðanda eða leikstjóra. (Útgáfuár). Titill [kvikmynd]. Upprunaland:  Framleiðslufyrirtæki.

Halldór Þorgeirsson (framleiðandi) og Guðný Halldórsdóttir (leikstjóri). (2007). Veðramót [kvikmynd]. Ísland: Umbi Film.

Grein í tímariti, margir erlendir höfundar 

Nöfn höfunda í þeirri röð sem þeir eru gefnir upp í heimild. (Útgáfuár). Titill greinar. Titill tímarits, árgangur(tölublað), blaðsíðutal.

Johnson, B., Stevenson, T., Yang, M. (2015). Internet now. The Magazine, 10(3), 112-115.

Myndskeið af netinu, t.d. youtube.com

Nafn höfundar [netnafn]. (ártal, dagur, mánuður). Titill myndskeiðs [myndskeið].  http://youtube.com/xxx

Hanson, B. [bryanhanson]. (2017, 9. júní). How to do this right. [myndskeið]. https://www.youtube.com/howtodothisright/watch12345

Munnleg heimild

Munnlegar heimildir skal einkum nota ef ekki eru til ritaðar heimildir um viðfangsefnið. En eigi að nota munnlega heimild skal hennar ekki getið í heimildaskrá heldur aðeins í texta. Sjá kafla um tilvísanir varðandi skráningu munnlegrar heimildar inni í ritgerð.